Poetry Readings
Intlakohlaza by JJR Jolobe
Here is the isiXhosa and English text for downloading and printing out. The English translation is a direct translation in order to convey the grammatical structure of isiXhosa.Intlakohlaza PDF
You can follow the video of me reading the poem in the text below.
Intlakohlaza
Ntlakohlaza siyakubulisa!Mvuseleli, sithi tyaph' ufike.
Luhl' uhlaza olwambes' umhlaba
Neentyatyambo ezigqagqeleyo
Ubulusiz umhlaba ukhedamile,
Uxwebil' uhlininika, umbi-
Namhla uyancuma, uyahleka,
Ntlakohlaza, siyakubulisa!
Ubugugile, wambeth' amajacu,
Uneentloni, amehlo ejonge phantsi;
Wawambesa, wanjengo 'mtshakazi.
Ntlakohlaza, siyakubulisa!
Ibisozela yonk' into eyindalo;
Mphaphamisi, uyivuse yonke.
Emithini isandi seenyosi
Neseentaka asiswelekanga.
Yonwabile nayo imfula,
Iyadloba ngokwa matakane,
Ihlokoma, idanduluka isithi,
"Ntlakohlaza, siyakubulisa!"
Ntlakohlaza, siyakubulisa!
Silandeli sobusik' obubi,
Mfudumezi emva kwamakhephu,
Mniki-bomi olandel' intshazo.
No comments:
Post a Comment